12:21 ص
الثلاثاء 20 سبتمبر 2022
كتبت- منى الموجي:
حلت الفنانة وفاء عامر ضيفة على برنامج “واحد من الناس” الذي يقدمه الإعلامي عمرو الليثي على قناة الحياة، وتحدثت خلال الحلقة عن حياتها الشخصية والفنية.
وردًا على سؤال أنها أحيانا تخرج على النص في المسلسلات التي تقدمها، قالت “أنا مؤمنة جدا بعفريت الشخصية، معملش حاجة ضد رؤية المخرج لو قال لأ فهو من يقود، أحيانا تطلع مني حركة عفوية أو شكل ارتجالي لو موافقش المخرج لا يمكن أعملها، ببقى مش عارفة ده حصل ليه بيبقي فيه حاجة بتحركني”.
وسأل الليثي ضيفته: هل ندمت على المشهد الجريء الذي قدمته مع الفنان محمد رمضان في مسلسل “نسر الصعيد” والذي تم حذفه لكن تم تسريبه؟، لترد “أنا أقدر أقول لأ بقوة وبعنف لو حاجة ضد اللي مؤمنة بيه دلوقتي، بقالي 15 سنة أدواري أساسا متغيرة، ومثلت المشهد ده الساعة 6 الصبح، كان مشهد مُضاف اتسرب إزاي معرفش، وأنا في العربية سبت رسالة لأستاذ جمال العدل، كان نايم صحي سمعها وسابلي فويس نوت (هشوف المشهد ده يا وفاء لو يخل بالسياق الدرامي هشيله) لأنه رجل محترم جدا برضه، المشهد اتشال واتسرب إزاي أنا معرفش، المشهد ضد محمد رمضان مش ضدي أنا بس ومبادئي، جايز مفهمتش الكلمة اللي اتقالت ومحبش يتروج ليها تاني لإنها ذات معنى ومغزى بايخ”.
“نسر الصعيد” بطولة محمد رمضان، وفاء عامر، درة، عائشة بن أحمد، ومجموعة كبيرة من الفنانين، تأليف محمد عبدالمعطي، إخراج ياسر سامي، وتم عرضه في رمضان 2018.
