إلهام شاهين: أكبر علقة أخدتها كانت من المليجي وظهوري بلبس داعش أثار الجدل""

04:46 م


السبت 29 أكتوبر 2022

كتبت- بهيرة فودة:

حلت الفنانة إلهام شاهين ضيفة على برنامج “40” الذي تقدمه الإعلامية جيسيكا، على قناة “mtv”.

وفي هذه السطور نعرض لكم أبرز تصريحات إلهام شاهين في البرنامج:

– ما فيش حد أكتر مني صراحة في الكون.

– أنا كان نفسي أعمل مسرح ميوزيكال من وأنا صغيرة.

– كنت بحب الرقص والغناء جدا.

– أنا مش بعرف أقلد.

– ملكة التقليد غير التمثيل خالص.

– فاتن حمامة كلمتني علشان أعمل مسلسل “البراري والحامول” بدالها.

– فاتن حمامة ماكنتش صحيا قادرة تعمل مسلسل “البراري والحامول”.

– فاتن حمامة كلمتني وقالتلي مش هتنازل عن مسلسل “البراري والحامول” غير ليكي إنتي.

– أنا سبب فشل زواجي لإني بحب شغلي جدا.

– أنا ما قدرتش أضحي بشغلي علشان الزوج.

– أتقالي ما تعمليش مسرح، علشان ماترجعيش الساعة 2 بليل.

– تاني زواج طلبت العصمة تكون في إيدي.

– لم أتردد في الموافقة على مسلسل “بطلوع الروح”.

– أنا بثق في المخرجة كاملة أبو ذكري والجهة الإنتاجية.

– الحروب أصبحت مهنة.

– ظهوري بلبس داعش في بوسترات بطلوع الروح أثار الجدل.

– كل المتطرفين فكريا كانوا خايفين العمل يتعرض.

– مسلسل بطلوع الروح يسيئ لداعش لإنهم مش الإسلام.

– في فيلم “إنهم يسرقون عمري” محمود المليجي ضربني قلم، ووقعت على الأرض وجابني من شعري وكمل العلقة.

– أكبر علقة أخدتها في حياتي من أستاذ محمود المليجي الله يرحمه.