أول رد من ميمي جمال حول ارتدائها الحجاب واعتزالها التمثيل (فيديو)

10:52 م


الأحد 27 نوفمبر 2022

كتب- هاني صابر:

تداول رواد مواقع التواصل الإجتماعي، صورا للفنانة ميمي جمال تظهر خلالها بالحجاب، وذلك تزامنا مع أنباء اعتزالها التمثيل.

وقالت ميمي، ببرنامج “حضرة المواطن”: “بعد وفاة زوجي حسن مصطفى قعدت أكتر من 6 سنين مقدرتش أشتغل، وعشرة العمر متبقاش سهلة، وقعدت فترة في البيت وعملت كذا عمرة، وليا صور وأنا محجبة، وأتشرف إني أكون محجبة”.

وتابعت: “الصور المنتشرة لي دي من أيام ما كنت بعمل عمرة مع زوجي الله يرحمه”.

واستكملت: “أنا معتزلتش التمثيل، وكل الكلام اللي بيتقال غير صحيح، وجات عليا فترة كانوا بيكلموني يقولولي هتشتغلي، فأقولهم مش هشتغل، فأعتبروا إن ده إعتزال”.

وأوضحت: “أنا بعد ما جوزت بناتي الحمد لله، لقيت نفسي، ما بفهمش أي حاجة في الحياة إلا التمثيل ومبعرفش أعمل حاجة تانية غيره”.

وأضافت: “لما لقيت نفسي قاعدة لوحدي، قولت طب ما أنا أرجع تاني، وده رزق وشغل، وكل ده هو اللي رجعني تاني للتمثيل”.

يذكر أن آخر أعمال ميمي جمال مسلسل”إيجار قديم” وتدور أحداثه حول فكرة قانون الإيجار القديم، من خلال الشخصية الرئيسية “رمزي” التي يلعبها شريف منير، إذ يسكن في شقة إيجار قديم، وفي نفس الوقت يمتلك عمارة في مصر الجديدة، تم تأجيرها بالكامل منذ زمن بعيد بنظام الإيجار القديم، وفجأة يتمكن صاحب العمارة التي يسكنها “رمزي” من الحصول على ترخيص بهدمها لتردي وضعها، وبالتالي طرد كافة ساكنيها.