08:21 م
الإثنين 09 يناير 2023
كتبت- منى الموجي:
أكد الفنان محمد العمروسي أنه سيقوم بمقاضاة الناقد طارق الشناوي والكاتب والإعلامي إبراهيم عيسى، من خلال المحامي الخاص به المستشار ياسر قنطوش، وسيوجه لهما تهمة ازدراء الأديان وإثارة الفتن في المجتمع بسبب هجومهما على الشيخ الراحل محمد متولي الشعراوي.
ونشر العمروسي فيديو عبر حسابه الشخصي على موقع “فيسبوك”، قال فيه: “فيه موضوع مهم أثار أعصابي وخلاني مخنوق ومتضايق من اللي بيحصل، مش فاهم احنا رايحين على فين، صحيت من النوم على إساءات لفضيلة الشيخ محمد متولي الشعراوي بتكلم كفنان مصري مسلم ومسؤول عن كلامي، أنا لا أسمح بإهانة أي رمز من رموز ديننا أستاذ طارق الشناوي واستاذ …. إبراهيم عيسى اللي فاضي للدين ورجال الدين وهو لا يفقه أي حاجة عن الدين”.
وأضاف “إيه اللي بتقولوه عن الشيخ، عصور مظلمة إيه وضد المرأة مين، مقدرتوش تفتحوا بوقكم ليه وهو عايش، جايين بعد ما توفى تتكلموا عنه أنه من العصور المظلمة، انتم مين، أستاذ طارق حضرتك تتكلم عن أداء ممثل، عن فستان فنانة، ولا مش لاقي تريند دلوقتي فحبيت تطلع على حساب ناس علماء دين، أنت في دولة إسلامية اسمها مصر، انا مش هسمحلك ولا أي فنان محترم، بتكلم باسمي وباسم نقابتي وباسم الفنانين”.
وواصل العمروسي حديثه في الفيديو، قائلا “هتوجه للنائب العام وارفع قضية ازدراء الدين وإثارة فتنة في المجتمع، أستاذ إبراهيم عيسى شوية تقول دكتور بيقرا قرآن في الصيدلية انت ايه شيطان رجيم فيها إيه، احنا مش وقت تشتيت، هرفع قضية ضد إبراهيم عيسى من خلال المحامي الخاص بي المستشار ياسر قنطوش.. الجيل اللي طالع مش فاهم حاجة وهيمشي ورا كلامكم الفاسد”.
اقرأ أيضا:
رانيا يوسف تتألق بفستان ذهبي.. والجمهور: “فنانة في الشياكة والأناقة” (صور)
راندا البحيري تُعلق على طلب جورج وسوف تلاوة القرآن في عزاء نجله “وديع”
أحمد الفيشاوي يظهر بحلق ويثير الجدل بسبب الوشم على جسمه (فيديو وصور)
حسين الجسمي يتصدر التريند بعد زواجه (صور)
بالفيديو.. لحظة تلاوة القرآن في عزاء نجل جورج وسوف “وديع”
