01:37 م
الأحد 19 مارس 2023
كتبت- منى الموجي:
عرض برنامج “الحكاية” تقديم الإعلامي عمرو أديب على قناة MBC مصر، مساء أمس السبت 18 مارس، حلقة مع المطربة الكبيرة أنغام، جاءت على هامش حفلها “ليلة صوت مصر” والذي أحيته في الرياض بالمملكة العربية السعودية، قبل يومين.
وقالت أنغام عن كيف تنظر لرحلتها قبل التكريم “شعور غريب يمكن الواحد بيتسرق وهو ماشي في المشوار، مش حاسس الدنيا وخداك والشغل واخدك، بتفكر وبتدور على المبدعين، طول الوقت في الاستديو، طول الوقت على المسرح، طول الوقت سفر، مش قادرة اقول ان عمري اتسرق بالعكس ده عمري”.
وتابعت تعليقا على سؤال عمرو هل تشعر بأنها قدمت كل ما تريد: “مش حسيت اني عملت كل اللي انا عايزاه بس احترمت اللي عملته، العمر ده فيه انجاز كبير، أنا ابتديت عندي 15 سنة، هقول الحقيقة بقى وبقالي حاجة وتلاتين سنة بغني”.
وأضافت أنغام عن اختيار توقيت التكريم وهي في مازالت قادرة على العطاء، وهل كان من الأفضل أن يتأخر مثل هذا التكريم: “أنا حاسة ان ده توقيت كويس لان الحمد لله بصحتي وأقدر أغني العدد ده من الأغاني، وأقول معظم تاريخي، لا بالعكس لازم نعمل حاجة والواحد بكامل طاقته عنده الحواس وشغف بتاع وقفة المسرح”.
ليلة صوت مصر من تنظيم الهيئة العامة للترفيه برئاسة المستشار تركي آل الشيخ، وتأتي تكريما للمطربة أنغام، في حفل بقيادة المايسترو الكبير هاني فرحات، ومشاركة مجموعة من النجوم: أحلام، تامر عاشور، محمد حماقي، ويجز.
