الأحد 02/فبراير/2025 – 09:50 م
علق الفرنسي فرانك دوما المدير الفني لفريق نادي مودرن سبورت على خسارة فريقه أمام الأهلي بثلاثية مقابل هدف، في المباراة التي أقيمت على ستاد السلام في إطار مباريات الدوري المصري الممتاز.
تصريحات مدرب مودرن سبورت
وقال فرانك دوما المدير الفني لفريق مودرن سبورت: لما تقابل فريق زي الأهلي بتبقى المهمة صعبة، لكن إحنا سهلنا مأمورية الأهلي بالأخطاء.
وأضاف: دخل على الفريق 6 لاعبين جدد، وأول مرة يلعبوا النهاردة ونتمنى تصاعد المستوى، ويؤثروا بشكل إيجابي الفترة المقبلة.. ولما تلعب ضد الأهلي لازم تطلع كل الإيجابيات اللي عندك، ولكننا منحناه فرصة التسجيل اليوم.
واختتم مدرب مودرن سبورت: بالنسبة لـ تراجع مستوى الفريق.. فدلوقتي مش نفس اللاعيبة اللي كانت موجودة قبل كدا، وحصل تغيير كبير في اللاعبين، وإحنا عملنا أخطاء فردية جعلتنا نستقبل هدفين وصعبنا المباراة علينا.
