وجه محمد صبحي، حارس مرمى الفريق الأول لكرة القدم، رسالة قوية مثيرة للجدل، وسط أنباء رحيله عن صفوف القلعة البيضاء، خلال فترة الانتقالات الصيفية الجارية.
وشهدت الفترة الأخيرة، ترديد أنباء عن رحيل محمد صبحي من نادي الزمالك إلى بيراميدز، وذلك بعد تراجع أدائه مع الفارس الأبيض.
وقال محمد صبحي في ستوري عبر موقع التواصل “انستجرام”: “متستغربش لما تلاقى حد كارهك وإنت معملتش معاه أي حاجة وحشة ولا تتصدم لما تعمل الخير مع حد ويردهولك في الآخر أذية، نفوس الناس مش زي بعضها وفي قلوب كثير حوالينا ماليها الحقد والغل، مش كل الناس هتحبك وتتمنالك الخير”.
طالع أيضاً.. يورتشيتش يُعلن عن تشكيلتين لـ بيراميدز أمام باندرما سبور التركي
وتابع: “مهما قدمتلهم حاجات حلوة، مهما كان قلبك أبيض وبتحب الخير للكل، هتتشاف وحش في عيون ناس كتير، مهما كانت تصرفاتك تلقائية وطبيعية ناس هتشوفها مقصودة ومدروسة حتى جدعنتك إللي بالفطرة هتتحسب منظرة وحب للظهور، مش كل الناس هتحب تعرفك ع حقيقتك ولا كل الناس هاتشوفك زي ما إنت، ناس كتير جدًا بيشوفوك بطباعهم وسواد قلوبهم”.
وأتم: “بقينا في زمن العجايب، ف توقع الغير متوقع، امشي زي ما إنت وزي ما إنت إتربيت، وما تستناش خير من حد وإياك تعافر عشان تثبت لحد إنك كويس، ومش مهم أبدًا تكون عند الناس إيه، ولا هما باصينلك إزاي، لينا رب هو اللي عارفنا وشايف قلوبنا وعارف نوايانا وهو ده بس المهم مش البشر أبدًا”.
