تحدث لاعب فريق الزمالك عن مشاعره والتحديات التي يواجهها داخل القلعة البيضاء، مؤكدًا أنه فضل الصمت في الفترة الماضية رغم تزايد الضغوط عليه.
وكتب عمار ياسر عبر حسابه الشخصي على موقع “إنستجرام”: “أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده”.
وأضاف: “من ساعة ما رجعت للناشئين من سنة وأكثر وأنا بتعامل أسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد”.
طالع أيضًا | أول تعليق من وزارة الرياضة على عقوبة الزمالك بعد سب الجماهير لـ زيزو
وأشار اللاعب إلى أنه تلقى عروض إعارة وبيع خلال الموسم الماضي، لكنها جميعها قوبلت بالرفض دون علمه بالجهة المسؤولة عن ذلك، وقال: “من السنة اللي فاتت لحد دلوقتي بيجيلي عروض إعارة وبيع، وكلها كانت بتترفض من غير ما أعرف مين السبب”.
وتطرق عمار ياسر إلى الوضع المالي، مؤكدًا أنه لم يحصل على مستحقاته منذ أغسطس الماضي: “من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترضتش، ولما أتكلم مع حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟”.
واختتم: “بعد كل ده، مطلوب منك تيجي التمرين وتلعب ومتتكلمش.. أنا مش بشتكي، أنا بس حبيت أعرف الناس أنا في إيه وبيمر بي إيه”.
