تحدث مؤدي المهرجانات عمر كمال، عن صديقه المطرب الشعبي محمود الليثي، مؤكدا أنه “ماشي بما يرضي الله”.
تصريحات عمر كمال عن محمود الليثي
وكتب عمر كمال، عبر حسابه على فيسبوك: “شهادة لله وأتحاسب عليها قدام ربنا.. لو شوفت مطرب في المجال ده مستقيم وماشي بما يرضي الله فهو ” محمود الليثي”.
وتابع: “لا سيجارة ولا كاس ولا بنات ولا سهر ولا عمره شوفته بيعمل شئ ممكن يخليه يتوه عن شغله وأكل عيشه وبيته وعياله”.
وأضاف: “ولو حبيت أتعلم منه حاجة قبل الفن فهتعلم منه الإلتزام واني أعمل بيت وأسرة وأراعي ربنا فيهم”.
قرار عمر كمال بعدم الغناء في الكباريهات
وكان عمر كمال كشف عن قرار اتخذه بعدم الغناء في الكباريهات قائلا “عشان تبقى فلوسي حلال”، وذلك خلال لقاءه ببرنامج “كلام الناس”.
وبسؤاله من قبل الإعلامية ياسمين عز مذيعة البرنامج: “في فترة كانت عندك تشكك في فلوسك هي حلال ولا حرام؟”
ورد عليها عمر كمال قائلا: “بطلت شغل في كباريهات علشان فلوسي تبقى حلال وده بعد ما سألت وفهمت إن الغناء على حسب هغني فين ولمين”.
وتابع :”أنا لما أغني في الأفراح يبقى فلوسي حلال ومش حرام لأني بحيي فرح للمتزوجين وعمل الإشهار”.
وأضاف: “أنا بروح أعمل تبرعات وأعمال خير وبساعد ناس يتغسل كلى ومرضى، ومشغل أخويا معايا وبهتم بأهلي، أي فلوس بتدخلي من شغلي في الفن لازم أطلع منها حاجة لله، يعني بحس إن مثلا لما حد عايز يغسل كلى أو علاج أورام أو أي حاجة من دي أكيد الحاجات دي هتشفع لي، لو فلوس حرام،هعرف أتفاهم مع ربنا وأقوله”.
اقرأ أيضا:
في 3 أيام.. إيرادات فيلم صقر وكناريا لـ محمد إمام تقترب من 13 مليون جنيه
قُبلة رومانسية.. 20 صورة من حفل زفاف أحمد السعدني وميرنا الهلباوي