تحدث الفنان محمد حماقي عن والده الراحل، خلال ظهوره في فيديو نشرته مجلة “بيلبورد” عبر حسابها الرسمي على موقع “إنستجرام”، واستعاد ذكرياته معه، ولم يتمالك دموعه أثناء الحديث، متأثرا برحيله.
محمد حماقي يتأثر بذكرى والده
وقال محمد حماقي: “أبويا شهادتي فيه مجروحة، هو أعظم حد، وبشهادة كل اللي حواليه كان طيب وحنين جدًا وذكي جدا، حتى في تربيتنا ومعاملته معانا، ومفتكرش مرة إني زعلت منه، وحتى لما كنت بغلط ويعاقبني، كان عقابه مكنش بيزعلني، كان بيختار طريقة للعقاب تعلم أكتر ما تزعل، ومفتكرش إني في يوم حسيت إن أبويا كان قاسي”.
وتابع حماقي: “عمره ما كان إنسان قاسي أو بيستخدم سلطته عليا بحكم إنه أبويا ولازم أسمع كلامه، كان متفاهم جدا وبيسمعني باهتمام، حتى وأنا صغير، ولو اتكلمت في حاجة بسيطة كان يهتم بيها وكأنها مهمة جدا، ولو أنا واثق من نفسي النهارده فهو السبب في ده، وأنا بفتقده دايما”.
محمد حماقي يكشف سر ابتعاده 3 سنوات
كما تحدث الفنان محمد حماقي عن أسباب ابتعاده عن الساحة الفنية لمدة ثلاث سنوات، وكواليس مشاركة ابنته “فاطمة”، الشهيرة بـ”تومي”، في ألبومه الجديد “سمعوني”.
وقال حماقي خلال لقائه في برنامج “ET بالعربي”: “أنا مش بقصد والله، أنا باخد وقت لحد ما أحس إن عندي حاجة أقدر أقدمها للناس، وتحضير الأغاني فيه رزق، يعني ممكن ألاقي الألبوم اللي بتمناه، وممكن ياخد وقت زيادة. ومبحسبهاش بالوقت قد ما بحسبها إني أكون قدمت اللي أنا عايز أوصله للناس”.
كواليس مشاركة ابنة محمد حماقي في ألبوم “سمعوني”
ووجّه محمد حماقي الشكر لأسرته خلال الحفل، قائلًا: “عايز أوجه سقفة كبيرة جدا لعيلتي، كلهم موجودين وساندوني وساعدوني كتير جدًا”.
وأضاف عن مشاركة ابنته: “الفكرة كانت إن يبقى فيه حد صغير ماشي معايا في المشوار، وحد من الكرو قال: ليه ما تكونش تومي؟ فقولتلها، وكانت مبسوطة جدًا، ومعملناش شوتات كتير خالص، يمكن مرة واحدة، ومش في كل الأغنية”.
اقرأ أيضا:
نجوم يستعدون لدخول القفص الذهبي.. منهم ملك أحمد زاهر ومصطفى عماد
آخرهم نيرمين الفقي.. نجوم تعرضوا للسرقة على يد خادماتهم