رد الشاعر الغنائي مصطفى حدوتة، على الانتقادات التي تعرض لها بعد مشاركته مع النجم عمرو دياب في ألبومه الجديد “حبيتك” بـ 3 أغاني، بالإضافة إلى مشاركته في ألبوم النجم تامر حسني الجديد.
رد مصطفى حدوتة على الهجوم الذي تعرض له
وقال مصطفى حدوتة، في فيديو له، عبر حسابه على إنستجرام: “والله مش عارف أبدأ كلامي منين، بس دايما ليه مصطفى حدوتة؟ ليه مصطفى حدوتة يدخل مع عمرو دياب بـ 3 أغاني؟ ليه يشتغل مع عمرو دياب أصلا؟ وليه يشتغل مع تامر حسني؟ وليه ينجح؟ كلام كتير ونقد، وفي ناس كتير معظمها بيبقوا قابضين فلوس مقابل ده، وحملات، بس ولا يشغلوني”.
وتابع: “هما فكروني جوا دماغهم إني هقعد في البيت وأكتئب، لكن ده مش هيحصل، هفضل طول الوقت بشتغل، وطول الوقت بنجح، وهفضل طول الوقت بعمل أغاني حلوة ومختلفة، وببذل أكبر مجهود، وبفرح بكل أغنية بعملها سواء نجحت جدا أو نجاحها كان أقل”.
مصطفى حدوتة: أنا شخص عنيد جدا
وأضاف: “السنة اللي فاتت ناس كتير قالت إن مصطفى حدوتة مش هيشتغل مع عمرو دياب تاني، لكن الحمد لله السنة دي أنا أكتر شاعر اشتغل مع عمرو دياب في الألبوم، وده توفيق من ربنا أولا، وثاني حاجة عشان خاطر العند… أنا شخص عنيد جدا جدا جدا”.
اقرأ أيضا:
“انقسام في الآراء”.. كيف علق الجمهور على ألبوم عمرو دياب “حبيتك”؟
بعد استغاثته: “بنام في الجراج”.. ياسر جلال يستجيب لطلب بدوي فهمي