رد الشاعر مصطفى حدوتة على تصريحات الفنان تامر عبد المنعم، التي قال خلالها: “مش معنى إنك اشتغلت مع عمرو دياب تبقى أحمد شوقي”، وذلك بعد تعاون حدوتة مع الهضبة في ألبومه الجديد “حبيتك” من خلال ثلاث أغنيات هي: “الألوان”، و”وإنتي جنبي”، و”12 بالليل”.
تعليق مصطفى حدوتة على تصريحات تامر عبد المنعم
وقال مصطفى حدوتة في مقطع فيديو نشره عبر حسابه الرسمي على موقع “إنستجرام”:”الفنان تامر عبد المنعم طلع قال عني مش عشان اشتغلت مع عمرو دياب أبقى أحمد شوقي، أنا ولا فاكر نفسي أحمد شوقي ولا عايز أبقى ولا أكون أحمد شوقي، أنا فاكر نفسي مصطفى حدوتة وعايز أكون مصطفى حدوتة ومش عايز أكون حد غير مصطفى حدوتة”.
وأضاف: “الوصول لعمرو دياب صعب جدا، وأنا ناجح من قبل عمرو دياب ونجحت معاه، وبشتغل مع ناس تانية وناجح معاهم، ومقدرش أقول لحضرتك إنك منجحتش غير لما قلدت عمرو دياب”.
وتابع: “مصر كلها عارفة إن حضرتك منجحتش غير لما قلدت عمرو دياب، ومقدرش أنتقص من دورك وإنك تشخص شخصية حد تاني، دي حاجة صعبة جدا ومش أي حد يعرف يعملها، وبرافو إنك عرفت تعمل كده، ولكن أصعب حاجة تعرف تعملها دلوقتي إنك تقول برافو”.
واختتم حديثه قائلا: “كان أوفر عليك إنك تقول برافو، لأني شاب في بداية حياتي وعملت حاجات كتير بإيدي ومجهودي ووقتي، بس دايما كلمة مبروك أصعب كلمة الناس تقولها”.
مصطفى حدوتة يتحدث عن ألبوم “حبيتك”
وعن رأيه في ألبوم “حبيتك” لعمرو دياب، قال مصطفى حدوتة مازحًا: “الألبوم تحفة، بس مش أحسن من أغانيّا”، ليرد عليه الإعلامي عمرو أديب ضاحكًا: “يا ابني بشويش على نفسك”.
ورد حدوتة: “أنا بشوف نفسي أحلى حاجة، واسمي مصطفى بدران وبيدلعوني بحر”.
اقرأ أيضا:
بإطلالة كاجوال أمام البحر.. يارا تخطف الأنظار في أحدث ظهور
سامو زين يطرح أغنية جديدة فيديو كليب بعنوان “بايظة”