حل الفنان عمرو يوسف، ضيفا على الإعلامية لميس الحديدي في بودكاست “لقاء مع لميس”، المذاع عبر موقع مصراوي.
لميس الحديدي توجه سؤالا عن “إغراء النجومية”
وسألت لميس الحديدي الفنان عمرو يوسف عن مدى إغراء النجومية، قائلة: “هل النجومية مغرية؟”، ليرد عليها: “طبعًا”.
وتحدثت لميس الحديدي عن تأثير النجومية وما يصاحبها من إمكانيات مادية وأرقام على مواقع التواصل الاجتماعي، قائلة: “يعني لما بتبقى نجم، لما بيبقى خلاص عندك إمكانيات مادية، لما يبقى عندك أرقام على السوشيال ميديا، كل ده مغري، مغري إنك تفضل فوق، تحيط نفسك كده بـ “بابل”، وتقول: لا لا، أنا مش عايز أضايق نفسي النهارده، أنا مش عايز أسمع أخبار وحشة، أنا عايز بس أستمتع بفكرة النجومية، وتخش جوة الإيجو بتاعتك فممكن تتضخم.. إنت إزاي بتحارب ده؟”.
ورد عمرو يوسف على سؤالها موضحًا السبب الذي يجعله حريصًا على عدم الوقوع في هذا الفخ، قائلًا: “عشان شفت ناس وقعوا في الفخ ده”.
لتسأله لميس الحديدي: “شفت ناس وقعوا في الفخ”، ليجيب: “طبعًا، اتفرجت عليهم وكنت ببقى متضايق جدًا، وبشوفهم بيبعدوا، وبشوفهم بيقلوا، وبشوفهم، وأنا احترامي ليهم بيتغير، ومحبتي ليهم بتتغير».
وأضاف: “يعني في ناس أنا كنت بشوفها من بعيد أحبها، وده حتى في بداياتي، ويمكن كلنا اتعرضنا لمواقف شبه كده، لما تيجي تبقي عندك راسمة صورة معينة لحد من الناس المشاهير في أي مجال، وتيجي تقابليه على الحقيقة، ساعات كتير بتتفاجئي إنه سلوكه اللي في الحياة العادية مش حلو، مش عاجبك”.
آخر أعمال عمرو يوسف
وكان آخر أعمال الفنان عمرو يوسف مسلسل “الفرنساوي” الذي عرض عبر إحدى المنصات، وحقق نجاحا كبيرا وقتها، وشاركه البطولة: جمال سليمان، سوسن بدر ، سامي الشيخ.
اقرأ أيضا
محمد شاهين يخون منى زكي ضمن أحداث مسلسل طالع نازل.. شاهد الإعلان الترويجي
ربنا يهون عليه”.. عمرو محمود ياسين يعلق على أزمة رمضان صبحي
كندة علوش وفريق مسلسل “50/50” يحتفلون بنجاح العمل على أنغام عمرو دياب