أوضحت الفنانة شيماء سيف اللغط الحاصل بشأن اعتذار الفنانة أيتن عامر لها خلال الساعات الماضية، بسبب حديث شيماء سيف عنها في أحد اللقاءات التلفزيونية وقالت أنها تحدثت معها بطريقة لا تصح بخصوص وزنها الزائد وعدم قدرتها على الإنجاب.
نشر برنامج “ET بالعربي” مقطع صوتي للفنانة شيماء سيف أوضحت من خلاله كواليس اعتذار الفنانة أيتن عامر لها.
شيماء سيف تكشف تفاصيل أزمتها مع أيتن عامر
وأوضحت الأزمة قائلة: “بقول الكلام ده عشان الناس اللي فهمت غلط يمكن الموضوع يتصحح في دماغهم، ويعرفوا انا ليه رديت عليها بالطريقة دي، لان أنا مكنتش شايفة انها بتعتذر، وشايفة ان فيه قلب ترابيزة، وكلام كتير اوي اتقال كدب بدليل انها بتقول انها افتكرت اننا كنا بنتكلم من 6 سنين على موضوع التخسيس والتكميم وانا من 6 سنين عمري ماكنت اتخيل اني هخس واي حد كان بيكلمني كنت بقوله انا كدة حلوة وخفيفة وكنت بطلع في البرامج والناس كلها عارفة”.
وتابعت: “وأنا مكانش في نيتي خالص اني اخس وحقن التكميم اتاخدت بالظبط في أسبوع من بعد مشكلة رجلي ولما مي كساب جت قالت لي اخدت القرار على طول، واللي حصل حقيقي اننا كنا قاعدين كلنا في مطار ومسافرين وأينن جت قعدت معانا وبدأت تتكلم معايا في موضوع الخلفة، وقالتي لي مش هتخسي غير لما تعملي تكميم وفي واحدة صاحبتي عملته وحكت بقية القصة، وساعتها اللي ضايقني مش كلامها عن التخسيس، اللي ضايقني انها كانت فاكرة ان المشكلة من عندي والمشكلة مكانتش عندي عند جوزي وكنا مخبيين والحوار حصل قدامه”.
شيماء سيف توضح حقيقية رواية أيتن عامر عن الأزمة
مضيفة: “تاني حاجة هي بتقول احنا بقالنا 6 سنين بتقعدي معايا حسستني اننا بناكل ونشرب مع بعض في بيتها وده محصلش احنا خلال الـ 6 سنين دول ماشوفتهاش غير 4 مرات وكل اللي كان بينا فيهم سلام سلام بدليل يا أيتن بحب أفكرك ان اخر مرة كنا مسافرين على الطيارة رايحين السعودية انتي قاعدة في كرسي وانا في كرسي وجمبك وجمبي فاضي ومقعدناش جنب بعض، وانتي كنتي عارفة الكلام عليكي من أيام برنامج نيشان ودخلتي عملتي لي عدم متابعة وفي نفس اليوم رجعتي عملتي متابعة لما لاقتيني لسه عاملالك متابعة”.
واختتمت حديثها قائلة: “وأنا مبكلش مع حد عيش وملح بشيل في قلبي منه حاجة ويمكن عشان كدة انا بخسر ناس كتير وانا عندي الدنيا يا ابيض يا اسود وقلت الكلام ده في البرنامج لما لقيت ناس تانية اتظلمت غير كدة مكنتش جبت اسمها ولقيت ان في ناس تانية متاخدة في الرجلين، والسبب الأكبر اللي خلاني رديت بالطريقة دي انها بتقول للناس عندها في الكومنتات انها هتحرم تنصح الناس، و يا أيتن، الكلام اللي بتقوليه مش صحيح وعند الله تجتمع الخصوم، واي حاجة وزي مبشغلش بالي بيها وانتي اعتذارك على راسي وان شاء الله ربنا هيبين مين فينا الصح ومين الغلط”.
اقرأ أيضا:
حسني شتا يستقبل طفلته مريم: الحمد لله الذي وهبنا هدية تزين أيامنا
إيرادات فيلم ولا كان عالبال تتجاوز 15 مليون جنيه في 9 أيام