الأربعاء 05/فبراير/2025 – 11:07 م
عبّرت مريم عادل زوجة النجم التونسي علي معلول عن سعادتها وفخرها بقيد النجم التونسي في قائمة النادي الأهلي المحلية والإفريقية.
تصريحات زوجة علي معلول
وقالت زوجة علي معلول في تصريحات تليفزيونية: هناك فرحة كبيرة بعودته لصفوف الأهلي وقيده، حتى ابني وبنتي بيفرحوا دلوقتي ومبسوطين من أول ما سمعوا الخبر.
وأضافت: من أول يوم إصابة ومحدش في النادي سابه، وكان مبيسمعش ولا بيشوف كلام في السوشيال ميديا وكان عنده ثقة في ربنا والكابتن كمان بيحبه وأنا شوفت دا بنفسي ساعة إما اتصاب ودي حاجة تطمن يعني.
وتابعت زوجة علي معلول: أنا كنت متأكدة أن علي معلول هيتقيد في قائمة النادي الأهلي، وهو أسطورة والأهلي لا ينسى أبناءه.
وأتمت زوجة معلول تصريحاتها: مبروك وإن شاء الله من أحسن إلى أحسن وإن شاء الله دايمًا مشرفنا ومشرف عائلتنا، وأشكر الجمهور اللي بشوف محبتهم وفي الشارع وفي كل مكان والإدارة الحمد لله اللي لحد النهاردة واقفة مع معلول.
قيد علي معلول في قائمة الأهلي
وكان علي معلول لاعب النادي الأهلي أعلن قيده في قائمة النادي الأهلي بشكل رسمي في القائمة المحلية والإفريقية، وذلك تأكيدًا لما انفرد به في وقت سابق القاهرة 24، حيث قال في تصريحات تليفزيونية: من النهاردة علي معلول مكمل مع النادي الأهلي ودي بداية جديدة وهتشوفوا علي معلول بتاع زمان وكل زمان وهرجع وألبس تيشيرت الأهلي من جديد.
