"بطلت الدقيق والعيش البلدي".. ياسمين صبري تكشف تفاصيل نظامها الغذائي

كشفت الفنانة ياسمين صبري عن تفاصيل اهتمامها بصحتها ومظهرها، وبعض العادات التي تتبعها في حياتها اليومية، كما تحدثت عن أصعب وأسعد لحظات حياتها، ورؤيتها للحب والسعادة والتفاؤل.

أكدت ياسمين صبري في لقائها ببرنامج “موعد مع لميس”، على موقع “مصراوي” تقديم الإعلامية لميس الحديدي، أن الاهتمام بالصحة يمثل أحد أهم أشكال الاستثمار في النفس، موضحة: “الصحة بتبقى مهمة أوي، في ستات شكلها أصغر عشان هي واخدة بالها من نفسها، ده الاستثمار، استثمري في نفسك، بتاخدي بالك من أكلك ونومك وصحتك”.

روتين العناية بالبشرة

ونفت ياسمين صبري اتباعها وجود روتين ثابت للعناية بالبشرة، قائلة: “معنديش روتين، أنا من الناس اللي بتغير كريماتها مفيش حاجة ثابتة خالص، برضة مابحطش فاونديشن، بي بي كريم وسي سي كريم، التاني تو سترونج عليا يتعب لي بشرتي، بريح بشرتي، بنام، النوم ده فيه أصله تجديد للخلايا وكل حاجة، بيريسيت”.

وعندما مازحتها لميس الحديدي بشأن إمكانية أن يعتقد الجمهور أن النوم هو سر جمالها، ردت ياسمين: “والله لو هي شايفة إني أمورة أشكرها جداً ده في عينيها الحلوة، بس هو حاجات كتير، أهلي كانوا ناس أمامير جيناتهم حلوة، الجينات جزء منه، وأنا بحافظ على نفسي”.

ياسمين صبري تكشف نظامها الغذائي

وتطرقت ياسمين صبري إلى نظامها الغذائي، موضحة أنها تركز على قياسات جسمها أكثر من الوزن، وقالت:”بالمازورة بقى الأصعب، بالسنتي، وبركز أكتر.. ماباكلش مانجة، ماباكلش رز، ماباكلش كاربس خالص، على أساس إن لو أكلت رز مش هعدي من الباب”.

وعن الأطعمة التي تعتمد عليها، أوضحت: “باكل أسماك أكتر، اللحمة ده قليل أوي، بطلت الدقيق، عيش بلدي الصبح بس وفاكرة إن أنا كدة أوكيه”.

وكشفت ياسمين صبري أنها لاحظت تحسنًا في حالتها بعد اتباع هذا النظام، قائلة: “حاسة إن زمان من الناس اللي صوابعي تتنفخ وشي وخدودي يتنفخوا وإنتي مش مليانة كان يكون عندي إنفلاميش التهابات جوا جسمي وما كنتش واخدة بالي”.

الفكرة إن جهازك الهضمي ده ميكونش على طول شغال إنه قاعد بيفرم في حاجة، وبعدين العقل التاني للجسم هو المعدة.. دي فكرة الصيام أصلاً إنك تكون بطنك فاضية عشان أفكارك تكون أفضل، وتتعبدي صح، وتكون الصلة بينك وبين الله والشحن بتاعك من السما مش من الأكل”.

اقرأ أيضا..

ياسمين صبري لـ لميس الحديدي: أنا مبروكة وربنا هو سندي وحبيبي

مش مطلوب تبقي صوفيا لورين”.. ياسمين صبري توجه رسالة للمرأة

ياسمين صبري: “بدأت اشتغل وعمري 17 سنة واتعلمت أكسب فلوس من بدري”