تحدثت المذيعة ياسمين عز في حلقة جديدة من برنامج كلام الناس الذي تقدمه على قناة MBC مصر، عن حادث مقتل فتحي الميرغني، عم الفنان حمدي الميرغني، والذي وقع في أسوان قبل أيام قليلة.
ماذا قالت ياسمين عز عن مقتل عم حمدي الميرغني؟
وقالت ياسمين “الثأر لسه موجود لحد دلوقتي. مقتل فتحي الميرغني عم الفنان حمدي الميرغني، والصادم اكتر من الوفاة أنه اتقتل بـ14 طلقة في وسط الشارع في أسوان، وده معناه إنه مش خناقة ولا قتل خطأ، فيه مواقع بتقول إن والد القاتل بيقول إن ليهم تار أربع رجالة وكده قتلوا واحد ولسه تلاتة، بيقال إن بسبب خلاف على نصف فدان أرض، السؤال: هل الأرض أغلى من روح البني آدم وهل المعلومة صحيحة”.
وتابعت “فيه مواقع تانية وناس بتقول إن عم حمدي اتفاجئ بناس بيوقفوه على الطريق وهو رايح شغله الصبح، نزلوا منها يتكلموا معاه إن فيه تار قديم مع عيلته، حاولوا ياخدوه قاوم ومارضيش، سابهم ومشي وافتكر الموضوع خلص قام المتهم ضربه 14 طلقة وسابه في الشارع وهرب”.
حمدي الميرغني ينعى عمه
كان الفنان حمدي الميرغني أعلن وفاة عمه، عبر خاصية القصص القصيرة على موقع التواصل الاجتماعي “إنستجرام”، وكتب: “توفي إلى رحمة الله عمي فتحي ميرغني، ربنا يرحمه ويسكنه فسيح جناته ويصبرنا جميعا، أصغر عم من أعمامي وأحبهم لقلبي، هتوحشني أوي يا عمي، أرجوكم الدعاء له بالرحمة والمغفرة”.
اقرأ أيضا
منهم مونيا ونجاة الصغيرة ومايا نصري.. نجوم عادوا للأضواء بعد غياب
إنجي خطاب: أثق في الصرصار ولا أثق بالرجالة ومش هلبس الحجاب عشان أي مخلوق
كيف ردت دينا الشربيني على النساء القدوة لها ومسلسلها “كامل العدد” في2027؟