رمضان صبحي، وجه الإعلامي أحمد شوبير خلال برنامجه “مع شوبير” المذاع عبر إذاعة “أون سبورت إف إم”، رسالة هامة إلى رمضان صبحي لاعب بيراميدز والأهلي السابق، بشأن قرار ايقافه من قبل المحكمة الرياضية.
رسالة شوبير إلى رمضان صبحي
وقال شوبير عن عقوبة رمضان صبحي: “فات من عقوبته سنة ومتبقي 3 سنوات، في عُرف الكورة كتير لكن في عُرف الحياة مش كتير، لأنه في يناير اللي جاي هيبقى عنده 30 سنة، لما يترفع عنه الإيقاف هيكون بيقترب من 33 سنة، كل أمنيتي في الحياة إنه تحصل حاجة ويرجع يلعب”.
وتابع شوبير: “رمضان بالنسبة لي زي ابني، فأنا بتعامل مع ابني في محنة، غلط.. مكانش موفق، تصرفه مكانش جيد، بتكلم على العينة، مش بتكلم على حاجة تانية، لكنه لازم أتعاطف معاه، ولازم أقف جنبه، وأخللي الناس تدعي له”.
وأوضح: “رمضان دلوقتي محتاج اللي يطبطب عليه، بلاش القسوة عليه، يعني لما ابنك يكون في محنة خده في حضنك، وطبطب عليه، متجبهوش تديله قلمين، هو خلاص عارف غلطه فين، هو دلوقتي في أزمة شديدة جدًا، فمحتاج اللي يطبطب عليه، فشوية نطبطب يعني”.
تأييد قرار إيقاف رمضان صبحي
إيقاف رمضان صبحي، وأيدت المحكمة العقوبة الصادرة بحق رمضان صبحي لاعب فريق بيراميدز، من الجهات المختصة بمكافحة المنشطات، والقاضية بإيقافه 4 سنوات، بسبب واقعة تتعلق بتعاطي مادة محظورة.
ورفضت المحكمة الفيدرالية السويسرية الطعن المقدم من رمضان صبحي، على قرار إيقافه لمدة 4 سنوات في قضية المنشطات.
وجاء تأييد حكم المحكمة الرياضية (الكاس) بإيقاف رمضان صبحي لاعب بيراميدز ليقضي على واحد من أهم مواهب الكرة المصرية في تاريخها بعدما خسر اللاعب جميع درجات التقاضي.
متى ينتهي إيقاف رمضان صبحي؟
وعقب قرار المحكمة الفيدرالية، تأكد بشكل نهائي بقاء عقوبة الإيقاف على اللاعب حتى 27 نوفمبر لعام 2029، وهو ما يفتح باب التكهنات حول مصير اللاعب وموقف نادي بيراميدز من فسخ عقده بشكل نهائي.