حل النجم خالد الصاوي قبل يومين ضيفا على برنامج من ماسبيرو، الذي يقدمه الإعلامي رامي رضوان على القناة الأولى، وظهر برشاقة ملحوظة بعد خسارته الكثير من وزنه الزائد، وهو ما لاقى ترحيب من جمهوره ومحبيه، مؤكدين أنه عاد للصورة الأولى التي عرفوه بها.
تعليقات الجمهور على خسارة خالد الصاوي لوزنه الزائد
من بين أبرز التعليقات التي جاءت على أحدث ظهور لـ خالد الصاوي: “هنشوف تحول في الأدوار، كده عودة خالد الصاوي بتاع الفيل الأزرق، الجزيرة. عودا حميدا يا فنان”، “رجع زي ما كان في خاتم سليمان”، “أسطورة حية الفنان خالد الصاوي امتداد لـ زكي رستم وعادل أدهم في السينما المصرية”، “بحبه أوي الراجل ده وكنت زعلانة على شكله اللي اتغير لأنه ممثل جامد وراجل محترم”، “صوته ظبط كمان”.
وكتب آخرون “حتى صوته رجع طبيعي سبحان الله”، “رجع لشكله في مسلسل قانون المراغي”، “ما شاء الله ونبرة صوته كمان رجعت زي الأول”، “صدق اللي قال السمنة مقبرة الجمال، وضيف عليهم الشباب والصحة وكل شيء إيجابي”، “مخارج الحروف وصوته أصبح واضح”.
تفاصيل خسارة خالد الصاوي لوزنه
خلال الحوار أكد خالد أنه فقد 60 كيلو، وأضاف “أجريت جراحتين مهمين ليا جدا، الأولى تكميم ولا أنصح بها، الدكتور قالي ده آخر شيء نلجأ له، وبقول للناس ياريت ما نوصلش للحل ده، أنا لو من عشر سنين انتبهت جيدا، بس كان عندي ظروف صحية وكنت غير ملتزم بالحياة الصحية السليمة، وفيه حاجات مهمة لازم تعملها تحب نفسك وتحترمها وتثق فيها، وده مش هيتم أبدا إلا إذا كنت بتراعي نفسك مش بتشتغل ضدها”.
وتابع الصاوي “وكان عندي عملية تانية لازم أعملها وهي المرارة، واتشالت الحمد لله وبعد كده غيرت حياتي تماما وغيرت كل الأخطاء بنام بدري وأصحى بدري، وبتمرن يوميا والأكل 6 وجبات صغيرة وملتزم بتعليمات الدكاترة فيها، وحريص على متابعة العلاج”.
اقرأ أيضا
رامي صبري يشارك في مهرجان الموسيقى العربية: أضع نفسي تحت تصرف الأوبرا
أميرة أديب تعلن اتخاذ إجراءات قانونية على خلفية الجدل المثار حول فيديو “المثليين”