أثار الفنان مدحت تيخا الجدل بمنشور عبر حسابه الخاص على موقع “فيسبوك”، انتقد خلاله أوضاع صناعة الدراما، وتحدث عن قلة فرص العمل.
تعليق الفنان مدحت تيخا
وكتب مدحت تيخا: “بعد سيزون واحد من غير شغل بتشتكوا، أومال اللي بيقعدوا بالسنين ما يشتغلوش يعملوا إيه، وموهوبين والناس بتعشقهم”.
وأضاف: “اللي حاصل ده جرس إنذار من ربنا عشان تفوقوا، بس أنا متأكد إن محدش هيفوق، كل الصناع عارفين السبب، بس محدش يجرؤ يقول أو يلمح حتى، ورضيتم بالظلم وعملتوا مسلسلات وحشة أوي بناس مبتعرفش تمثل ولا تخرج ولا تصور ولا تألف، وكل ده عشان السبوبة تمشي، وتجيبوا بتوع سوشيال ميديا يطلعوا مسلسلاتكم دي السما بالكذب طبعًا، عشان تصدقوا كذبتكم وتفرضوا ذوقكم على الجمهور، والجمهور في وادي وإنتوا في وادي أصلًا”.
واستكمل: “محدش هينجح الشغلانة دي غير ولادها الموهوبين في كل المجالات، واللي هما معروفين وقاعدين في بيوتهم دلوقتي بسببكم، ولكن ربنا كريم وعادل وقادر”.
واختتم منشوره: “وبإذن الله هتتعدل، بس ساعتها هتكونوا قاعدين في بيوتكم بتتمنوا تشتغلوا ولو حتى إعلان لمحلات الرز بلبن”.
آخر أعمال مدحت تيخا
يذكر أن آخر أعمال الفنان مدحت تيخا مسلسل “قلع الحجر 2″، ويشارك في بطولة المسلسل كل من محمد رياض، وكمال أبو رية، ومنى عبد الغني، والعمل من إخراج حسني صالح.
اقرأ أيضًا:
طرح الإعلان التشويقي لـ فيلم مفيش راجل بيعيط قبل عرضه في مهرجان الجونة السينمائي
ريم البارودي في باريس ولاميتا فرنجية في اليونان. لقطات نجوم الفن خلال 24 ساعة