كشف السيناريست تامر حبيب عن كواليس تقديم جزء ثاني من فيلم “سهر الليالي”.
تامر حبيب يكشف تحديات الجزء الثاني
وقال تامر حبيب: “فكرة الجزء التاني بتتردد من 20 سنة، وإسعاد يونس كلمتني من سنة ونص وقالتلي ماتيجي نعمل جزء تاني، لقيتني بقول آه موافق، وماكنش عندي أي ذرة تفكير هقول إيه في الجزء التاني”.
وأضاف: “كان عندي حيرة بين حاجتين هل أعمله بعد 23 سنة بالـ8 شخصيات بقوا فين، ولا أعمله بشخصيات جديدة؟ اللي فرض عليا أعمله بشخصيات جديدة إن الأغلبية العظمى من أبطال الفيلم مبقوش موجودين، هتجيب 4 ممثلين تانين فيها لخبطة”.
منى زكي: سهر الليالي كان نقلة فنية في جيلنا
وتحدثت الفنانة منى زكي عن الفيلم، خلال لقائها مع ET بالعربي، قائلة: “أنا أعمل أي حاجة لتامر حبيب، سهر الليالي ده كان نقلة فنية في جيلنا، لأن سهر الليالي نزل بعد كمية كبيرة من الأفلام ليها علاقة بالكوميدي والأكشن، وكان فيه تشكك كبير تجاهه، وكلنا كنا مؤمنين بيه كصناع، والحمد لله كان فعلًا نقلة في الصناعة وبداية معرفتي بـ هاني خليفة وتامر حبيب”.
وأضافت منى زكي: “هاني خليفة هو اللي عرفني إن في طريقة تانية للتمثيل”.
كواليس فيلم سهر الليالي
عُرض فيلم “سهر الليالي” عام 2003، وشارك في بطولته عدد من نجوم السينما المصرية، من بينهم منى زكي، فتحي عبد الوهاب، شريف منير، حنان ترك، خالد أبو النجا، أحمد حلمي، وهو من تأليف تامر حبيب وإخراج هاني خليفة.
اقرأ أيضا:
15 صورة لـ إيمان الطوخي بعد تصدرها التريند.. حقيقة صورتها المفبركة
عفاف شعيب تتصدر التريند بعد أزمة إعلانات الأدوية