تصدر اسم الفنانة منة فضالي تريند محرك البحث “جوجل”، بعد حديثها عن حلم الأمومة وأسباب تأجيلها الزواج والإنجاب، موضحة أنها أرادت بناء مستقبل وتكوين كيان يوفر حياة كريمة لأبنائها في المستقبل.
منة فضالي تكشف عن حلم تكوين أسرة
وكشفت منة فضالي عن ذلك خلال لقائها في برنامج “أسرار النجوم”، الذي تقدمه الإعلامية إنجي علي، إذ تحدثت عن رغبتها في تكوين أسرة، قائلة: “نفسي والله، أنا نفسي أجيب بيبي، وحلم حياتي إني أعيش الأمومة بجد، وممكن أسيب التمثيل في يوم وليلة، وأنا فنيت حياتي كلها في الشغل ومردتش أتجوز ولا أخلف، وقولت لا أعمل كيان”.
وتابعت: “وكنت عايزة أعمل حاجة حلوة عشان لما أتجوز وأخلف أبقى عاملة رصيد حلو لعيالي وأعرف أربيهم كويس وأدخلهم مدارس كويسة، وأنا على أيامي مفيش التعليم بتاع دلوقتي، فأكيد عايزة أدخلهم أحسن حاجة في الدنيا وأسفرهم برا يدرسوا برا وأعوضهم عن حاجات أنا معملتهاش”.
منة فضالي: عايزة عيالي يتعلموا أحلى تعليم
وأضافت: “أنا خريجة سياحة وفنادق ومكملتش تعليمي، فعايزة عيالي يتعلموا أحلى تعليم في الدنيا، فعمر ده ما هيجي غير وفيه بيت حلو وعيشة مستريحة، ومش عايزاهم يشوفوا يوم وحش، وضد إني أخلف ومبقاش قد الأمومة، وإني أتجوز وأطلق وأبقى بطولي، عشان أنا أمي بقت لوحدها وهي اللي ربتني بمفردها، وضد الناس اللي بتخلف وترمي عيالها”.
واختتمت حديثها قائلة: “وأنا بتمنى، بس برضه عايزة أتجوز حد كويس يراعي ربنا فيا وفي عياله، وميبقاش حد وحش، وده بقى مش مضمون دلوقتي، وأنا بخاف من صنف الرجالة غصب عني، وأنا بطبعي شكاكة جدا ومش ببقى أقصد أجرح حد، والفترة اللي فاتت لما جالي كذا حد كنت بهرب بلباقة، وفيه ناس برد رد صادم جدا: مش عايزة أتجوز”.
منة فضالي في مسلسل قلب شمس
تشارك الفنانة منة فضالي في بطولة مسلسل “قلب شمس”، وتدور أحداثه في إطار اجتماعي رومانسي، ويسلط الضوء على العلاقات الأسرية والمواقف الإنسانية المختلفة التي يواجهها الأفراد في المجتمع المصري.
ويشارك في بطولة العمل كل من: يسرا، ومحمد سامي، ودرة، وإنجي المقدم، وسوسن بدر، وانتصار، تأليف وإخراج محمد سامي.
اقرأ أيضا:
تفاصيل 6 جراحات دقيقة خضع لها محمد الحلو في 4 سنوات
عمرو الليثي يوجه رسالة مؤثرة لنجله شريف في عيد ميلاده: “نعم الابن البار”
مصطفى كامل يطمئن الجمهور على صحة محمد الحلو بعد خضوعه لجراحة في القلب
20 صورة للمطرب محمد الحلو في مرحلة شبابه
صور..ميريام فارس ونجلها يحتفلون بالهالوين بارتداء أزياء غريبة
بالصور| حضور كامل العدد لمسرحية داليدا الأغنية التي لا تنتهي والجمهور يحيي خيري بشارة