حرص الفنان إسلام إبراهيم على دعم الدكتور أشرف زكي، نقيب المهن التمثيلية، بعد الانتقادات التي تعرض لها خلال الفترة الأخيرة.
تعليق إسلام إبراهيم
وكتب إسلام إبراهيم عبر حسابه الرسمي على موقع “إنستجرام”: “أنا دخلت بيت دكتور أشرف كأخ وأب مش بس نقيب، لأن بيته وقلبه مفتوحين لكل الناس ولكل حد بيحتاجله، أكلت معاه عيش وملح، ووقت الصلاة كان بيأمنا وبنصلي زي أي بيت مصري طيب، إنسان محترم وطيب وخلوق ومربي ولاده أحسن تربية”.
وأضاف: “على المستوى المهني، وخلال مشواري، اتعرضت لظلم كبير مع أطراف أقوى مني بكتير، بس لما كان بيعرف إن الحق معايا كان بيبقى الضهر والسند لغاية ما يجيبلي حقي أو على الأقل يحل المشكلة”.
وتابع: “تجربة مرضي خلتني أفرح وأحس بالأمان لما عرفت إن لما أكبر أو أتعب وملاقيش حد جنبي، ألاقي مكان يحافظ عليّ ويرعاني زي دار رعاية كبار الفنانين، والتاريخ يشهد قد إيه الفنانين كانوا محتاجين لده، دكتور أشرف مابيسيبش حد في الفرح والحزن والمرض، تقريبًا مبينامش، وده جه على صحته وراحته وعرضه للخطر أكتر من مرة، وبرضه مبيهموش”.
واستكمل: “أما عن دوره الثقافي والفني، واللي يهم عموم الناس مش بس الفنانين، فمهرجانات المسرح تشهد، ومهرجان الدراما، ورعاية الشباب الجديد الموهوب اللي بيعتبرهم ولاده، واللي عشانهم برضه عمل مسلسل تياترو، بس السوشيال ميديا عندها القدرة تقلب أي حقيقة في الدنيا لعكسها، بس معلش ده قدرنا، العمل الخدمي ده قدرة وملكة وطاقة مش موجودة عند معظم البشر”.
نجوم الفن يدعمون أشرف زكي
وتصدر أشرف زكي اهتمام عدد من نجوم الوسط الفني خلال الساعات الماضية، بعدما أعلنوا دعمهم له عبر مواقع التواصل الاجتماعي، ومن أبرزهم زوجته الفنانة روجينا، والفنانة نيللي كريم، والفنانة بشرى، إلى جانب عدد من نجوم الفن.
اقرأ أيضًا:
20 صورة لـ أشرف زكي وأسرته بعد دعم نجوم الفن وتصدره التريند
يسرا توجه رسالة لأشرف زكي: “متمسكة بيك كنقيب”