السبت 01/مارس/2025 – 01:55 م
بيّنت دار الإفتاء المصرية، طريقة تحديد قيمة زكاة الفطر، والتي حددتها اليوم 35 جنيها كحد أدنى.
اعرف طريقة تحديد دار الإفتاء لـ قيمة زكاة الفطر
وكتبت الإفتاء عبر حسابها على موقع التواصل الاجتماعي فيس بوك: اعرف دار الإفتاء المصرية قدرت قيمة زكاة الفطر ازاي بطريقة سهلة وبسيطة وميسرة ولغة عامية أيضا سهلة وبسيطة، حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر.
بالإضافة إلى أنه غالب طعام المصريين بيتعمل منه العيش اللي هو وجبة أساسية وكمان بيدخل في أطعمة كثيرة جدًا.
وأضافت: طيب سعر أردب القمح كام؟ دلوقتي سعره 2000 جنيه مصري من أحسن الأنواع، وأردب القمح فيه 150 كيلو، يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا، طيب والزكاة أد إيه في القمح (٢.٠٤ كيلو)، يبقى نضرب ٢.٠٤ كيلو * ١٣.٣٣، يطلع الناتج ٢٧.١٩ جنيه مصري.
ودار الإفتاء قالت إنه 35 جنيه يعني زودت كمان عن الحد الأدنى بشويه و35 جنيه الحد الأدنى (يعني طلع أكتر من 35 جنيه لو معاك ودخلك يسمح لك).
وواصلت: طيب أنا شايف إن 35 جنيها قليل مش هتعمل حاجة، يبقى تطلع ما ترضاه نفسك وتحس إنه له قيمه لكن لا تقل عن ٣٥ جنيه ولا تلزم غيرك يطلع زيك لأن ممكن يكون غير قادر، كمان تقدر تطلعها فلوس لا تشتر بها شيء، لأن بعض الناس مفكره إن ناخد الفلوس نشتري بها أرز مثلا، لأ طلعها فلوس وربنا يتقبل منك، كمان يجوز إخراجها من أول رمضان لحد قبل صلاة العيد.
