الثلاثاء 04/مارس/2025 – 11:33 ص
قال مصدر مسؤول بهيئة النقل العام في الإسكندرية، إنه سيتم فحص الفيديو المتداول لواقعة تعدي كمسري بأتوبيس تابع للهيئة، على الركاب.
وذكر لـ مصر24، أنه سيتم فحص الفيديو ومعرفة مدى صحته، وملابسات الأمر.
وتداول مستخدمو مواقع التواصل الاجتماعي، مقطع فيديو ظهر فيه تعدي كمسري داخل أتوبيس نقل عام، على الركاب بالسباب والشتائم، وتطور الموقف لوقوع مشادة كلامية بين الطرفين وتهديد الأول لهم.
فحص الفيديو المتداول لمشاجرة كمسري مع ركاب أتوبيس نقل عام بالإسكندرية
وكتب أحد شهود العيان منشورا عبر صفحته على فيسبوك، تفاصيل الواقعة قائلا: في يوم 3 مارس، حصلت واقعة غير مقبولة تمامًا من شخص مفترض أن يكون محترم في تعامله مع الركاب، الكمسري بدأ يعتدي باللفظ على مواطنة راكبة لمجرد إن ليها باقي نص جنيه، وبدل ما يتفاهم معاها بأسلوب محترم، شتمها بأبشع الألفاظ.
وأضاف شاهد العيان: الموضوع ما وقفش عند كده، ولما الناس حاولت تتدخل وتتكلم معاه، زوّد الشتيمة وتطاول على باقي الركاب، واتضح إن الأتوبيس كله ليه باقي نص جنيه عنده! مش بس كده، الكمسري اتصل ببلطجية علشان يستنونا في المحطة اللي جاية، والسواق بدل ما يتصرف بعقل ويمشي، وقف الأتوبيس وفتح الباب عشان البلطجية يطلعوا ويضربوا الست الكبيرة والركاب.
واستكمل شاهد العيان كلامه المرفق بمقطع فيديو للواقعة: كان ممكن يتطور للأسوأ لولا إن فيه ستات فضلت تصوّت، وده اللي خلا الناس تنتبه وتحاول تمنع الكارثة.
وتساءل: فين رقابة هيئة النقل العام؟ فين المفتشين اللي المفروض يراقبوا تصرفات الناس دي؟ مين بيحاسب الكمسارية والسواقين اللي بيتعاملوا مع الركاب وكأنهم في عزبة خاصة بيهم؟!
