03:21 م
الأحد 01 يناير 2023
كتبت- منال الجيوشي:
حلت الفنانة نجوى فؤاد، أمس السبت ضيفة على برنامج “الستات” مع الإعلامية مفيدة شيحة والإعلامية سهير جودة على قناة النهار.
وهنا نعرض لكم أبرز تصريحات الفنانة الكبيرة نجوى فؤاد في برنامج “الستات”:
_ أصبت بانزلاق غضروفي وأجريت عملية جراحية
_ تجربتي مع سمكري البنئادمين غير جيدة، وقام بعمل جلسة لرقبتي ولكن طلبت منه التوقف لأن لدي خبرة مع العلاج الطبيعي وشعرت أن هناك شيء خاطئ فيما يفعل.
_ أطلب من الله دائما الستر والصحة.
_ مرقصتش بمزاجي، ده ربنا اللي كتبها ولو ربنا مش عايزني أعمل كده كنت عملت حاجة تانية، يعني مثلا كنت اتجوزت وعملت أسرة، وأنا مأذتش حد في حياتي.
_ بروح السيدة زينب مريضة أطلع من عندها “انشرح صدري”
_ أنا مسرفة جدا وطموح وأنتجت 7 أفلام مهمة وكل فلوسي حطتها في الفن
_ كلمت وفاء مكي وبكيت لما شفت الفيديو، وقالت أمي عيانة مش لاقية أجيبلها الدوا، وكلمت النقيب قالي معاشكم 600 جنيه في الشهر
_ مبعرفش أعمل لنفسي حتى فنجان قهوة، ومرة عملت قهوة اتحرقت إيدي.
_ سمير صبري ودلال عبدالعزيز وسمير غانم كانوا دايما بيسألوا عليا وحسيت بالوحدة بعدهم.
_ سمير صبري كان بيجي يقعد معايا علطول، وموته أثر فيا جدا
_ ندمت على قرار عدم الخلفة، ولما بحس بكده بمسك القرآن عشان أهدى
_ كنت خايفة على جسمي من الخلفة فأخدت قرار إني مخلفش
_ كنت بروح أزور السيدة نفيسة من صغري.
_ مرات أبويا كانت بالنسبة لي أكتر من أمي.
_ دكتور سمير سرحان علمني القراية والكتابة وكان دايما يجيبلي كتب لأدباء كبار عشان أقراهم وبعد 3 أيام يجي يمتحني فيهم.
_ أنا بعتبر نفسي محجبة لأني مبعملش حاجة .
_ اطلقت غيابي من أحد الأشخاص خاني مع صاحبتي، وبقالي 35 سنة مجروحة.
_ رقصت في فرح طليقي وصاحبتي بعد خيانتهم وكانت أحلى مرة رقصت فيها
_ حبيت أثبت وجودي في الفرح كـ عواطف محمد حلمي، والعند ركبني ورقصت وقلت مبروك ليهم في المايك، وكنت برقص زي الطير المدبوح، ومنمتش 3 أيام.
_ خاني وكان جايبلي برواز غالي وقالي هاخده أصلحه أتاريه بياخده عشان يحطه في شقته
_ محستش بخيانته بس قبل طلاقنا بشهرين كنا دايما في مشاكل.
_ غلطت في العلاقة دي أني كنت بحبه بزيادة وبسمع كلامه جدا وكان شخصيته كويسة جدا، وأسلم عشاني.
_ كان بيستغل نجوميتي عشان المكان اللي كان فيه.
_ ساعات ببص لصوره واقول راح فين الحب ده كله والعاطفة.
_ أحمد فؤاد حسن طلب مني الإنجاب، ورفضت فاطلقنا وكنت بحبه حب أبوي.
_ بعد طلاقي من أحد فؤاد حسن اتجوزت أحمد رمزي وقعدنا 17 يوم، وسافرت أمريكا ورجعت لقيته رجع مراته، فقعدنا سوا واتفقنا على الطلاق وضحيت عشان هو بيحب بنته “باكينام” حب عبادة.
_ بحب أوي شوربة الخضار والأكل المسلوق طول عمري.
_ أتمنى أتكرم من مهرجان القاهرة السينمائي كممثلة ومنتجة.
