كشفت المطربة أصالة نصري، تعرضها لسرقة مجوهراتها خلال تواجدها في أمريكا لاحياء عدد من الحفلات الغنائية هناك، قدرت بحسب وسائل إعلام أمريكية أنها بقيمة 6 ملايين دولار.
تفاصيل تعرض أصالة للسرقة
وكتبت أصالة، عبر حسابها على فيسبوك: “الحمد لله الهدف من الرحلة لأمريكا تحقق وعملت أحلى حفلات بالحياة وأسعدت ناس بالآلاف وأنا كنت سعيدة قدهم كلهم وكانت البداية بلوس أنجلوس وليلة عظيمة وبعدها روحت نيوجرسي وكمان التفاعل كان مثل الحلم وآخر حفلة كانت تاني يوم مباشرة بديترويت”.
وتابعت: “ويا دوب وصلت الفندق وحضرت حالي وغيرت مجوهراتي اللي الحمد لله كلهم اللي ما كان معي شيئ أنا ما بملكه وهيك عادة بالسفر بعمل بخاف من المسؤولية فا بلبس أغراضي وروحت الحفلة وكانت قمه بالجمال والحضور مرعب والجو خيالي والناس طارت وأنا كذلك وخلصت الحفلة ورجعت تعبانة حضرت حالي للراحة ونمت والصبح فتحت شنطتي غير حلقي اللي بحب غيره كل يوم حسب شو حاسة وللأسف ما لقيت علبة مجوهراتي كلها”.
واستكملت: “وطبعا زعلت لأسباب كتيرة أولها وأهمها إني عملت بأوقات طويلة وانتظرت أكتر من سنة اسم أبي حطه على راسي وصورة أبي بصدري وذكريات مهمة من جوزي ومن ولادي وهدايا مني إلي بمناسبات نجاح حفلة أو ألبوم أو أغنية، وكمان هدايا من أصحاب غاليين عليا وأغراضي غير قيمتها المادية لها قيمة عندي معنوية كبيرة”.
وأوضحت: “وطبعا الشرطة والناس ملت المكان ومن أسبوع تقريبا لليوم ما في أخبار وما كنت بدي خبر خبر يأثر على هذه الرحل ةاللي حققت فيها حلم من أحلامي وفاقت توقعاتي حتى بالنجاح ولكن هيك صار وبعد تفكير قررت خبركم هذه الحكاية اللي فوق ما تتصوروا قاهرتني ولكن راح أتجنبها وأكمل بطريقي ورح ألتقي بحبايبي بدبي بمناسبة عزيزة على قلبي وغالية تحت عنوان (الإمارات تحب سوريا ) والله يحفظ بلادنا كلها ويعم الحب ويعم السلام يا رب العالمين”.
وأضافت: “وبدي أنسى هالكم يوم اللي كانوا كتير مو حلوين وصعبين عليا كتير، ورح نتلاقى وأنا بأمس الحاجة لأفصل عن هذه الأحداث اللي صارت وبدي أكتر من كل الحضور أفرح لأني بحاجه أفرح بينكم ومعكم، ومحبتكم عندي والله بتسوى كنوز الدنيا كلها، ولحظة لقائي معكم هي ولادة حقيقية لسعادة بتتحقق لما بغني لكم
ودبي رح تجمعنا”.
اقرأ أيضا:
أحمد العوضي لأهالي عين شمس: نازلكم أضحي وأدبح حلاوة تصوير مسلسل سلطان الديب
حدث بالفن| حفل فضل شاكر وأول رد من فلوكس على محمد رمضان بعد رسالته